al-Hikma wal-Ma'rifa – Romane Dersija
Hem Me (o Allah) cherdjum e djinnen hem manushen te obozavinen Man (samo). (Kur’an, Sura ez-Zarijat, 51:52)
Bash o al-Hikma wal-Ma'rifa
Es-Selam Alejkum!
Shukar alen ko al-Hikma wal-Ma'rifa, phralalen hem phenjalen.
O Roma rodena od uvek o djandipe, so nadez te araken e Devle. Ko akaja potraga te araken e Devle, but djene djele tane ki zabluda. Mislindoj kaj tane ko ispravno drumo, on kokori pes chiche ki stapica. Pa odolese ule but sekte mashkar o Roma, pherde so Bida; hem perde so pogreshno Akida.
Bash akalese, mo mangipe e Romenge te oven ko chachutno drumo, cherdjaman te cherav akava website ki romani chip.
Djanen kaj o chachutno drumo nane nisavo aver osven odova taro Kur'an hem Sunnet.
Prenesini o Ibn Abbas (radijAllahu ‘anhu), kaj O Pejgamberi (salla'llahu ‘alejhi wessellem) phendja ko Oprosno Hadji: “O manushalen, mukava tumenge odova so ako icherdjen tumen (ko odova) nane te djan ki zabluda; I Kniga e Allahesiri (o Kur'ani), hem mo Sunneti.” (Hakim, Bajhaki, hem Ibn Hazm, Hasan)
Hem prenesini o Anas ibn Malik (radijAllahu ‘anhu) kaj o Pejgamberi (salla'llahu ‘alejhi wessellem) phendja: “Mo Ummeti ka podelindjol ko eftavardeshu-trin (73) sekte, hem sa ka djan tane ko Djehennemi osven jek.” Puchle tane ‘Kova tano odova jek (so nane te djal ko Djehennemi)?’ Ov o alejhi selam phendja: “Odoja tani odoja grupa (manusha) kola so ka sledinen (odova) me hem me Ashabija so sledinaja avdije.” (Tirmizi, Hasan)
Djanen kaj isi but nepotvrdime Hadisija, pa odolese akate ko al-Hikma wal-Ma'rifa o Dersija tane samo so potvrdime Hadisija. Odolese da tano spomnimo koj prenesini o Hadisi hem kaj shaj te arakipe (sar na primer, Buhari, Muslim, Tirmizi, itn.)
Pazinen tumen tari Bida, djanen kaj odola sekte so sledinena nepotvrdena Hadisija, hem Bida; tane ki zabluda.
Prenesini o Djebir (radijAllahu ‘anhu): (Jek dive) “E Pejgamberesere jacha ule sa lole, vazdindja po glaso, hem ulo but holjamo…hem vacherdja: ‘Bichaldo inum ko vakti keda o Kijameti tano pashe…(djanen) o najshukar lafi tano i Kniga e Allahesiri (o Kur'ani), o najshukar uputstvo tano o uputstvo e Muhammedesoro (o Sunneti). I najloshno buti tani i Bida, hem (djanen kaj) svako Bida tani greshka (zabluda)…'” (Muslim)
Akate ko al-Hikma wal-Marifa tano o pravilno djandipa, pa aven ko Allahesoro Svetlo. O al-Hikma wal-Marifa dela e Romenge i ispravno Akida. Hem saj tano dokazimo so Kur'an hem Sunnet. Ko al-Hikma wal-Marifa Dersija isto isi but mudrostija taro but Ashabija hem Uleme.
O pishiba akate nane paro haljobase, pa insh'Allah ka shaj te razuminen o Dersija.
O al-Hikma wal-Marifa website/blog tano cherdo taro jek terno Romano chavo kova so avela taro Skopje-Makedonija.
O prevod ko Romane tano cherdo taro o Anglisko prevod – Yusuf Ali.
Molinava e Allahe te pravel amaro kalbi, hem te chivel po Nuri (Svetlo) andre ko amare kalbija, o Nuri e djandipasoro hem Imanesoro, Amin!
2 Comments on “Bash o al-Hikma wal-Ma'rifa”
Odgovori
La Illahe Illa Allah – Nane nisavo aver devel osven (jek Devel) o Allah
Komentija
 | arif u O MO PHRAL! |
 | al Hikma wal Marifa u Bash o al-Hikma wal-Ma'ri… |
 | Iljas u Bash o al-Hikma wal-Ma'ri… |
 | Kajtazi Imer u al Hikma wal Ma'rifa – V… |
 | bilal 71 u al Hikma wal Ma'rifa – V… |
esellamualejkum pralalen ko islam elhamdullilah so o Allah andja amen o roma te sledina o serijati em e suna
esellamualejkum
tumen o Allah te nagradinen naj suzi nagrada a odija nagrata te ovel ko ahireti djeneti .em ko dunjaloko te povecinel tumaro znanje
molinava e Allahe amen o roma kola ka ova te wazda e Allaheso lafi naj upre molinava e Allahe te ovel amencar zadovolno em sa so keraja e dinese te ovel ko Allahesoro nav em okola manusa kola nane uputime te uputinel amare romen ko pravo drumo ko drumo muhammedesoro s,a,s taj asabengoro amin
Valejkum Selam ve Rahmetullahi ve Berekatuhu,
Mash'Allah, molinava e Allahe (Azze ve Djel) te prifatini ti dova, hem molinava e Allahe (Azze ve Djel) te mukel po Rahmeti upro tute hem upro sa o Roma hem sa o Muslimanija ko akava Ummeti, Amin!
BarakAllah o fik, vesselam alejkum.